صباح الخير جميعا ....
"بلاك بيري"
بيني وبينك تتش يا بلاك بيري
كل يوم تجرحني بطريقه وبسلوب
ماني غبي جوك مع انسان غيري
لكن انا في صوب ولا انت في صوب
انشهد انه فالهوى ضاع طيري
وقلبي على ضيعته من حزنه يذوب
لكن بهيمه معجبه خط سيري
الحر حر ومايبي الوكر والطوب
إن كان فيني عيب يا بلاك بيري
أقسم قسم كلك عذاريب وعيوب..
"صبحك بالخير"
صبحك بالخير دام انك مصبحني
بجروح وغياب والهجران ولصده
ماتدري ان الغلا والشوق ذابحني
يا اللي تغلا علي وطالت المده
ان كنت مزعلك ابوس يديك سامحني
لرضاك قلبي من الضيقه وصل حده..
"باب الايام مصكوك"
ر صدتك دنياك والناس صدو
والحظ دونه بابالايام مصكوك
الخلق ماتنفع ولا الخلق ضدو
وكّل على الله امرك ان كنت متروك
ما جاب نقال السوالف وودو
واللي حكالك فظهرك يطعن بشوك
وشلون تخشى اللي على الخير نقو
والله أحق بخشيته وين ودوك
لو عندهم مثقال ذره ومدو
يمكن على دربٍ به الخير قدوك
ويا اللي عن عيوني من الشوف لدو
خلي وحسادس من الحسد وصوك
خذيتشور اللي على الصد وصو
خذو يمينك للهجر لين دلوك
ما عاد جابو لي ولا عاد ودو
عنك خبر وارتاح لا صار طروك
مازلت انا وطيفك نسوي دويتو
فالحلم وله سلك مع القلب مشروكٍ
القلب ذليب فيك والناس حدو
والقلب في حبك له سنين مشبوك..
"شوف عيني"
مرت علي البارحه شوف عيني
فالحلم بعد غياب وتقول وينك
بعد البطا تعال والشوق ديني
تكفى دخيلك وف فالشوق دينك
ان كان بعد غيابك تقول ويني
تعرف مكاني يا الغلا شوف عينك
لو قلت لك وش صار بينك وبيني!
تقول شاللي صار بيني وبينك؟..
"امس اتصلت"
امس إتصلت وطرت فرحه من "الشوق"
كني بحلم! الصوت ذا صدق "صوتك"؟
وغرقت في بحر التفاكير و "الشوق"
واكبر سبب في حالتي كان "صوتك"
لكن صحيت اليوم وصحاني "الشوق"
لقيتني مشتاق واحتاج "صوتك"..
"ياكبر صدمتي فيك"
اي والله الا ياكبر صدمتي فيك
والقلب من ترقيعتك جاه ماجاه
ماانشد ولا يهمني من يحاكيك
لا واخساره شوق والقلب يدراه
ان كانه بناظر عيونه يسميك
انا بعد كم يوم والهم بنساه
تدري! عسى من غيرك يهتني فيك
واللي يحبك تبطي ماتسمع حكاه..
"تزعل"
تزعل واقول يحق لك كل ماغبت
مشاعري بغيابك اليوم فاحت
عز الله اني من غيابك تعجبت
والدمعه اللي بمحجر العين طاحت
امنولٍ قالو يهجرك وكذبت
ومشاعري بالشعر بالصوت صاحت
اتصدق ناي من تغيبت شيبت
جسد لكنّ الروح ارضاك راحت..
"تكذبني"
قد قلت متغير ولكن تكذبني
ويمكن به اسرار جاحدها ومخفيها
لا قلت لك بالل في قلبي تعاتبني
يعني مخوني أولها وتاليها >>>رده
جيتك بحاسبك وتعود تحاسبني
الى متى نفسي تعبها تشقيها
وشلون منا لك ايامٍ محاربني
ومنا تبيني عليك الرجل اعنيها
ومنا تسمعني شيٍ ماهو يعجبني
ومنا تبي لك بيوت اكتب واغنيها..
"ما انت با الاول"
ذكرت لك ماحس قلبي وحسيت
وتقول شكك زاد عني وطول
هذي حقيقه لو تضايقت واقفيت
ما انت بعلى خبري ولا انته بالاول
اقول يمكني جرحتك وزليت
غايب ودعي فوق الاجفان حول
تكاثر علي لا قلت وين انت وابطيت
يضايقك لكن طبعك تحول..
"ما هقيت"
ماهقيت اني ابد ازعل عليك
ومادريت اني بحبك منتهي
بس عرفت اني ادور لك وابيك
قلبي ماغيرك يبيه ويشتهي..
"حرف اسمك"
بالشوق عندي لك مكان وعلامات
تعال شف توقيعي به حرف لسمك...
"ماني بميت"
لامن بغيت تغيب ماني بميت
ولا اتحسف لو تطول بفرقاك
هجرتني؟ فارقت؟ مليت؟ صديت؟
ما انت بخساره كلها شوي وانساك
تخطي واعديها واصد وتغاضيت
ضيعت وقتي اكتبك شعر وانساك..
"انسان مضبوط"
انا احسب انه ذرب وانسان مضبوط
طلع مع العشاق ياخذ ويعطي
متصدر العشاق مايتعبه شوط
يلعب على الخلان بالشوق مبطي
ماهوب انا اللي بلعب الاشواق مبسوط
لا با الله انكانه يبي لعب مخطي..
"وجه لبيروت"
لامن صحيت الصبح وجه لبيروت
المطعم اللي كلنا عارفينه
اطلب صحن ممكوس واحلا من التوت
والحب زايد كنهم راسمينه
والشاهي اطلب واشربه الحق الصوت
وحسابهم معروف ومقدرينه
يا هيه يا اللي داخل القلب منحوت
الى متى والقلب ماترحمينه
الى متى والقلب بالحب مكبوت
والى متى والصد ماتذخرينه
والى متى والقلب يعتبرك القوت
والى متى بالهجر بس تحرقينه
احايلك بالود والحب والموت
اخاف حبل الوصل لا تقطعينه..
"سلاح الجو"
فديت من هو سكن قبل سلاح الجو
بعد الهلال ان غدت وجهتك للوكره
تكفى يافكري من الابيات لجله سو
مبطي ماشفته وخانقتني العبره
ودي اسولف معه واكثر الاماني لو
ولامن لقيته لساني وقف الهذره
مونس بلقبي من غيابه حريق الضو
مشتاق ودي اشوفه بس يا حسره
لولا كلامٍ يجيه من العرب بالسو
لجيه مهما حصل يا اليوم يا بكره
لامن ذكرته يغيب العقل وادخل جو
بيني وبينه محبه بس وش عذره..
"دقه قديمه"
القلب فندق والمزايين سكان
والعين للسكان مفتاح شقه
دايم لشوف الزين شفقٍ وولهان
واعطي عمولة شعر مازيد حقه
الا انت من شفتك وانا صرت فقران
هدمت فندقهم بطيبه ورقه
كتبت فيك الشعر وأجر الالحان
ومن ما كتبته فيك طب وتنقه
أقولها بحساس شاعر وشفقان
وانت تقول اني قديمٍ ودقه..
"جرب غيابك"
ان كان قصدك من غيابك تعذبني
قلبي تعود من غيابك على الصده
هذي حقيقه ودامنك انك مكذبني
جرب غيابك معي وطول المده..
"ناشفٍ ريقي"
احدٍ فطوره مع ربعه وشيبانه
وانا هنا فالدوام وناشفٍ ريقي..
واخيرا
" مالك عقاراته"
يا سيد القلب يا مالك عقاراته
ياموكشٍ كل مواقعه التجاريه
ماغيرك من البشر حبه ومشهاته
وقصيده اللي عليك بكل عفويه
وان كان قلبي تشتت فأنت شتاته
تكفى لاترهنه فبنوك الربويه
ولا تأجر القلب يا كله ويا ذاته
دامك ماتبغيه رد صكوكها ليه..
وسلامتكم
( من كتاباتي )
كل
الحب
وكل عام وانتم بخير
المشاركات..}
نقاط..}
الثلاثاء أغسطس 31, 2010 9:36 pm
